Instituti Kërkimor për Çështje Evropiane dhe të Zhvillimit (RIDEA), udhëheqësi, dhe Grupi për Hulumtimin e Politikave në Ballkan (BPRG) kanë publikuar një raport politik “Skenarët për “Finalen e Madhe” midis Kosovës dhe Serbisë”. Raporti përshkruan skenarët e mundshme dhe më të mirë që Kosova duhet të ndjekë në fazën e fundit të Dialogut për Normalizimin e plotë të marrëdhënieve me Serbinë.
Për këtë studim unik, ne kemi realizuar më shumë se 120 intervista me zyrtarë të institucioneve të Kosovës, parti politike, OJQ, analistë dhe aktorë vendorë dhe ndërkombëtarë. Janë mbajtur dy punëtori ekspertësh dhe janë konsultuar raporte të shumta kërkimore dhe analiza. Raporti i politikave ofron një numër rekomandimesh të mundshme që synojnë të ndihmojnë në përfundim të suksesshëm të dialogut me Serbinë në vitet në vazhdim.
